ഗാഡ്ഗില് റിപ്പോര്ട്ടും ഭൂവുടമസ്ഥതയും
(ഫെയ്സ്ബുക് നോട്ട് , നവംബര് 28 2013) ഗാഡ്ഗില് കമ്മിറ്റി റിപ്പോര്ട്ടിലെ പുരോഗമനപരമായ ഒരു നിലപാടായി അതിലെ ഭൂവുടമസ്ഥതയെ കുറിച്ചുള്ള നിരീക്ഷണങ്ങള് മനസ്സിലാക്കപ്പെട്ടിട്ടുണ്ട് എന്ന് തോന്നുന്നു (സണ്ണി കപിക്കാട്). ഇത് എത്ര മാത്രം ശരിയാണ് എന്നത് നിശിതമായ വിശകലനത്തിന് വിധേയമാക്കേണ്ടതാണ്. ഗാഡ്ഗില് റിപ്പോര്ട്ടിനെ അമിതമായി ആദര്ശവല്ക്കരിക്കുന്ന സമീപനം വിമര്ശ്നാത്മകതയെ തളര്ത്തുകയും രാഷ്ട്രീയ വിശകലനത്തെ മരവിപ്പിക്കുകയും ചെയ്യുന്നു എന്നതുകൊണ്ടാണ് കൂടുതല് ചര്ച്ച അനിവാര്യമാകുന്നത്. ചിലയിടത്ത് ഒസ്ട്രോമിന്റെയും (Ostrom) ചിലയിടത്ത് നിയോ ക്ലാസ്സിക്കല് ധനശാസ്ത്രത്തിന്റെയും സ്മീപനങ്ങള് കൈക്കൊള്ളുന്ന ഒരു എക്ല്ക്റ്റിക് [...]